بزووتنەوەی انصارالله-ی یەمەن بە مووشەکی هاوپێرسۆنیکی "فەلەستین-٢" ئۆپڕاسیۆنێکی بۆ سەر فڕۆکەخانەی بن گوریۆنی شاری یافای داگیرکراو ئەنجام دایەوە و ئۆپڕاسیۆنێکی دیکەی بە فڕۆکەکانی بێ فڕۆکەوان بۆ سەر کەشتی فڕۆکەهەڵگری "یو،ئێس،ئێس هاری ترومان"ـی ئەمریکا ئەنجام دایەوە.

یەحیا سەریع وتەبێژی انصارالله راگەیاند، فڕۆکەخانەی بن گوریۆی لە شاری یافای داگیرکراو بە مووشەکی بالیستیکی هایپێرسۆنیکی "فەلەستین-٢" کراوە ئامانج و بە ئیزنی خودا ئۆپڕاسیۆنەکە بە سەرکەوتوویی ئەنجام دراوە.

سەریع لە بەردەوامی باسی لەوە کرد، لە ئەنجامی تێکۆشان لە بەرامبەر هێرشی ئەمریکا بۆ سەر وڵاتەکەمان کەشتی فڕۆکەهەڵگری یو،ئێس،ئێس هاری ترومان بە فڕۆکەکانی بێ فڕۆکەوان کرایە ئامانج و شەڕ لە نێزەکانی دەریایی یەمەن و ئەمریکا رووی داوە و چەندین کاتژمێر بەردەوام بووە.

ناوبراو جەختی لەوە کرد، تا کاتێک گەماڕۆی سەر گەلی فەلەستین و هێرشەکانی سەر غەززە بەردەوام بن ئەوانیش بەردەوام دەبن لە ئۆپڕاسیۆن دژی رژێمی داگیرکەری سەهیۆنی.(İLKHA)